May 222012
 

 

Bitamina asko dituztenez, oso onak dira haurrentzat, adinekoentzat eta bitamina gabezia dutenentzat

Oraindik bete-betean ez bada ere, dagoeneko azoka eta dendetako erakusmahai eta apaletan daude gereziak. Askok izugarri estimatzen duten fruta da, eta sasoi hau aprobetxatzen dute jateko. Konturatu ez arren, jaten ari diren horrek izugarrizko onurak ditu osasunerako; ez bakarrik elikaduraren ikuspegitik, gainera. Hotzeriarako, sukarra jaisteko eta diuretiko moduan erabil daitezke, besteak beste. Gainera, gatz, koipe eta proteina gutxi dute. Beraz, ez dute gizentzen. Infusioak eta likoreak egin daitezke, besteak beste, haiekin. Continue reading »

May 132012
 

Neurriz egindako ariketa fisikoak, onura asko dauzka, horien artean, honako hauek dira aipagarrienak:

  • Linfa-sistema aktibatzen du, gure barruak garbitzen lagunduz.
  • Barruko beroa ateratzen laguntzen du: batez ere izerditu eta hotza aplikatu ondoren.
  • Hezurren dentsitatea handitzen du: zahartzarorako aseguru bat da.
  • Giharren indarra eta malgutasuna hobetzen ditu.
  • Gehiegizko likidoak kanporatzen laguntzen du.
  • Odol-zirkulazioa aktibatzen du.
  • Bihotza eta biriken kapazitatea handitzen ditu.
  • Ariketa fisikoak denboran irauten badu, gehiegizko kiloak galtzen laguntzen du.
  • Bizitasuna hobetzen du eta immunitate-sistema aktibatzen da.
  • Ehunak uzkurtzen ditu.
  • Adimena esnatu eta  diziplina ikasten du. Kontzentrazioa eta arreta gaitasuna handitzen dira.
  • Endorfinen produkzioa suspertzen du, ongizatearen droga naturalak.

Ariketa fisikoaren gogobetetze eta onurak lortzeko, elikadurak ondo orekatua izan beharko luke eta gure gorputzari, leunki funtzionatu eta makina erre ez dezan, erregai egokia eman beharko diogu.

Erregaia

Zelula muskularrek, beraien ekintzetarako behar duten energia, dietaren bidez lortutako eta gorputzean gordetako funtsezko elementuetatik lortzen dute.

Jakina da, ariketa garaian proteinek ez dutela substratu energetiko gisa funtzionatzen; kirol jarduerak egiterakoan beraz, karbohidratoak eta gantzak izango dira gehien erabiliko direnak.