Sep 182012
 

Janarietan aurki dezakegun zuntza bi motatakoa izan daiteke. Zuntz disolbagarriek (pektinak, gomak eta muzilagoak) urarekin nahastean likatasun handiko gelak osatzen dituzte. Frutak, barazkiek eta lekek mota horretako zuntza dute. Disolbagarriak ez diren zuntzek, aldiz, (zelulosa, hemizelulosa eta lignina), ez dute urik xurgatzen. Batik bat zerealetan eta fruitu lehorretan aurki ditzakegu. Zuntzak, idorreriaren aurka eraginkorra izateaz gain, hainbat onura ditu:

  • Zuntz disolbagarriak gehiago betetzen du, urdaila husteko denbora luzatu egiten du, eta janari-boloa nabarmen handitzen du.
  • Odoleko kolesterol-maila jaitsi, janarietatik lortzen diren koipeak xurgatzea zaildu, eta behazuneko gatzak kanporatzen laguntzen du.
  • Glukosa xurgatzea zailtzen du, eta, ondorioz, odoleko gluzemia kontrolpean edukitzen laguntzen du.
  • Hesteetako bakterio onuragarriak ugaritzen ditu, eta kaltegarriak kanporatzen laguntzen du. Continue reading »
Sep 032012
 
img item
Haurretan obesitatea areagotzearekin batera, gehiegizko pisu honekin lotuta doan diabetea ere handitu da, 2. motakoa.
Diabete hau inaktibitate eta pisua irabazteko daukagun joera genetikoa lotuta sortzen da. The New England Journal of Medicine-en argitaratutako artikulu honetan agertzen denez, diabete mota hau azkarrago areagotzen da eta haur txikienetan zailagoa da tratatzea.